2012-08-27

دع العنان للعروبة ثم افعل ما شئت #عروبتي_تتحدث




انتوا عارفين ان احنا هبل اوي .. هبل جدااااااااااااااااا .. هبل بغبااااااااااااااااااااااااااء o.O
---------------------------------------------------------
ايه البت اللي داخلة تشتم فينا ع الصبح دي يا جدعان  لا حول و لا قوة الا بالله استغفر الله العظيم يا رب :S
---------------------------------------------------------
احم اصل بجد و الله احنا هبل اوي بالصراحة .. طب بصوا انا هتكلم و انتوا تحكموا :
لما ننزل نشتري حاجة المدارس بقى بما اننا داخلين على دراسة و كدا و تيجي تجيب شنطة تلاقي عليها هاري بوتر او هانا مونتانا او سوبر مان او مش بعيد تلاقي جاستن بيبر كمان .. تيجي تشتري مسطرة تلاقيهم لازقينلك تجيب كاشكول برده موجودين
ايه الغزو الثقافي ده !! في ايه .. ده حتى كلهم ابطال وهمية !! تقولي
 يعني ان شاء الله هيلاقوا مين من عندنا يحطوه تامر حسني ! يع .....
هوا فعلا يع بس هوا ليه احنا بنحاول بكل جهدنا نطمس تراثنا ؟؟ و نقلل من شأننا؟؟؟
----------------------
طب عارفين سبايدر مان ؟؟ او بات مان يعني اي حاجة فيها مان و خلاص .... احنا بقى عندنا احسن من الابطال دول كلهم بس حقيقة مش افلام بس احنا شوية بنحب الدراما الاكشن الغير واقعية مع ان عندنا الاجمد منها في الاكشن و في الدراما بس واقعية بقى o.O
------------------------------

طب استنو استنوا عارفين تركيا ؟؟ قصدي القسطنطينية يعني ؟؟
اهو هناك بقى كان في واحد اسمه محمد الفاتح يدوبك عنده 22 سنة و بقى حاكم على البلاد و كمان امتدت فترة حكمة ل 30 سنة "مش موباريك مش موباريك لا تقلقوا ".ده بعد وفاته بدء الكتاب يكتبوا قد ايه هو كان عادل و كانوا بيتغزلوا في طريقه حكمه .. ايوة ايوة كان عنده 22 و الله 
-----------------------------.
واحد عنده 22 سنه يروح يمسك البلد و يحط نفسه في مواقف بايخة ليــــــــــــــه 
ليـــــــــــــــــــــــه


اقولكوا ليه ......
 لانه و ببساطة مبسطة قرر يحقق نبوءه الرسول لما قال صلى الله عليه و سلم 

:  ( لتفتحن القسطنطينية فلنعم الأمير أميرها و لنعم الجيش جيشها )

قدر يفتح القسطنطينية و يقتحم اسوارها  بحيلة  عسكرية اعتبرت من العمليات العسكرية 
النادرة في التاريخ 

قرر يبقى هو الامير ده اللي الرسول قال عليه

قرر و حط  هدفه قدامه و مستسلمش و قال يعني انا بقى الواد الفتك اللي هطلع من بين 

ال85 مليون ..." هم مكنوش 85 ساعتها يعني"  بس عادي يعني و ايه المشكله
-----------------------------------------

*لو محتاجين تعرفو عنه اكتر  http://www.mediafire.com/?t8hgz8hdef2k774
------------------------------------------

 نرجع تاني لموضوعنا الاساسي بقى...

 ليه يكون سوبر مان متعلق في اذهاننا بالبطولة و الشجاعة و الخ و احنا عندنا واحد زي 

محمد الفاتح اطفالنا ميعرفوش عنه؟؟
 !!
على بن ابي طالب لما نام في فراش الرسول كان عنده 10 سنين ع فكرة , و الكفار كانو 

هييجو يدبحوه و كان اصلا واقفينله بره و دخلوا عليه كمان موقف مرعب مش كدا ؟ ... 

بس  هو عادي يعني و ايه المشكله
!!
----- عندي هدف عايز احققه يا جدعان
عندي فكرة و مؤمن بيها 


* اقولك على حاجة ...
 خلى الدنيا هي اللي تجري وراك مش انت اللي تجري وراها

-----------------------------------------

طيب سيبكو بقى من حوارات البطولة ديه

 ده حتى في اللغة كمان بقى ,  لو جيت بصيت على الحروف الغربية او اللاتينية 

هتلاقيها كلها بالمسطره و البرجل ادوات هندسية يعني و تلاقي الحروف شبه بعضها 

شيل خط من فوق حطه تحت و خط حطه في النص و هتلاقيك جبت الحرف اللي بعده 

حروف شبه بعضها !

احنا بقى لغتنا فيها حروف كل حرف فيها عالم لوحده من التصميم و الابداع يعني حرف 
مثلا زي حرف ال H ييجي ايه جنب حرف ال هـ بتاعنا ؟؟ طب حد يفهمني و الله

و احنا بقى ايه من كتر حبنا للغة بتاعتنا حياتنا كلها اتشقلبت بقت اكتر ميلا للغرب يعني تلاقي واحد فاتح محل يقولك ايه Mr.X   طب ايه المشكلة لما تسميه اساحبي و هيبقى شغال و الله اكتر من اكس بتاعك ده ," احم محدش يقول لحد على فكرة اساحبي دي كفاية 
الفيس كدا حرام" D:

مثلا يقولك cash او See You اوWOW  اوJeo او City Stars ?  ايه ايه ايه في ايه بالظبط o.O
ده حتى المحل الوحيد اللي تلاقيه بالعربي تلاقيه يقولك ايه  "بدون اسم" ؟؟  هبل هبل يعني مش اي حاجة

و على فكرة العيب مش ان الاسم العربي مش بيشد او مش هيعمل شعبية .. العيب فينا احنا , طيب مهو زي ما هم عندهم mcdonalds احنا عندنا مؤمن و ناجح جدا كمان 
ايه المشكلة بقى ؟؟ ليه بنحاول نخليهم متفوقين و نفضل احنا كدا في القاع ؟ 
----------------------------------

في مجموعة من الشباب عاملين ماركة جديدة للملابس اسمها كاف و التصميمات بتاعتها اكثر من رائعة تحسها راقية كدا مش اي هبل
خدو جولة هنا في صفحتهم على الفيس  


لما احنا بقى نسيب كل الحاجات الحلوة دي و نحط صورة هاري بوتر -بغض النظر عن 

الفيلم او القصة او مدى نجاحها – و نسينا ان زي ما هم ليهم تراث و مستقبل احنا كمان 

لينا تراث بس تراثنا غير .. لما نسيب تراثنا و نبحث في تراث غيرنا يبقى كدا عييب 

اوي ... جدو يزعل مننا P:
و انا محبش جدو يزعل مني بصراحة 
----------------------------------------------

المهم بقه اني قررت  اني هحاول اعرب كل كلامي , نو فرانكو اراب  و بما ان نو كلمة 

انجليزية الاصل  يبقى  لا #لاللفرانكو و اي كلمة غريبة علينا ندبلجها بقى بلاش نقول 

ميكروباص نقول سيارة او حافلة عادي يعني خلى الناس تضحك عليك شوية و ماله و 

بعدين هتلاقيهم لوحدهم حابيين الفكرة .... دع العنان للعروبة ثم افعل ما شئت 

#عروبتي_تتحدث #عربي_وافتخر

----

بالمناسبة بقى طلعنا هبل بقى و لا مش هبل؟؟ ^_^

2012-08-24

من امسك القط مفتاح القرار؟







لا أطيق الإنتظار




أحيانا يجعلني الغرور فريسة 

و أحيانا يؤنِّبني القرار



أحيانا يعذبني الكلام فأنتظر

و أرفض حينها أي اعتذار 



كنت اترنح على شاطيء الأحزان أبكي
 فلا أخشى الفرار

أرصد الموجات في صمت

ذهاب , إياب .. دون أدنى اختيار

تنعي حظها في كونها "موجة"؟

و أنا أرفض أن يكون لي القرار!!؟



يالها من مزحةٍ!!ا

قد أنساها الدهر حكايات جدودها

ففي العشق كتبوا عن الامواج و عن هول الحصار 



و في المعارك سَطَّرت بزبدها حكايات الانتصار

وهل قد غفلتِ عن امواج فرعون و عن شق البحار؟

و عن بن نوح قد سَهَت! ألم تسمع عن الطوفان و سفينة الأبرار؟



يا لها من متعة أن تطارد الاشرار 

إن كان فيك الخير فمعك ربك الجبار



يا ويلتي! قد بِت اهذي في وضح النهار

هذا جزاء من أمسك القط مفتاح القرار

أضحت الاحزان عشقا من دونه قد يُنعَى النضال

فالليل أشرق صبحه .. و عتابنا و حسابنا لم يعد له اي اعتبار



يا موجة بالحب لا تجافينا 

بُثِّي بذور الأمل فينا

سأظل اُمعن في نظراتي إليك حتى تعلمينا 

من أين تأتينا بمائك الرقراق وللأحزان تُنسينا 



رجائي لك ... في روحتك خذي معك أمانينا

اخلطيها بزبدك و في رجعتك فاجئينا

2012-08-23

Seasickness o.O



أمواج .. لا تحملنا ؛ بل نحملها نحن 

نذهب بها إلى حيث يأخذنا الخيال , و نغرق في ثنايا زبدها حتى نعود بها او تعود هي بنا إلى الشاطيء 

فمنها قد استمتعنا بروح المغامرة , و منها قد حققنا حلمنا ووصلنا لبر الأمان  :)