2013-10-13

فضفضة ثورية




ما زال صدى كلماتها يتردد هنا .... كل يوم 

ما زلت اتذكرها ... اتذكر شجاراتنا الثورية بكل تفاصيلها 

ما زال صداها يرن في اذني 

ما زال النيل شاهدا على مشاغباتنا اليومية بالساعات تحت الكوبري تحت جرافيتي الثورة  

ثم فجأة ...... ينقطع الاتصال

 عندما اتذكر آخر كلماتها لي  

"خليكي ماشية ورا اليهود " !! 

لم تصدمني الكلمات ... و لكن صدمتني الأيام 

لم اشعر حينها بالضيق .... لم أبالي 

ربما خانتها الكلمات ... ربما استفزتها اندفاعاتي فأخرجتها عن شعورها 


لكني فعلا لم أبالي .... لم أحزن
اعرف يقينا انها مجرد مشاغبة ليلية 
لا اكثر

و لكن فجأة ....

ادركت الحقيقة الصادمة ..


لا لم تخنها الكلمات ... و لم تستفزها كلماتي لتخرجها عن شعورها في لحظة "غضب"!

هي فقط ...... نحت منحى آخر 

ضربت بكل شيء عرض الحائط

منحى ما زلت احاول فهمه

ما زلت أحاول استيعابه  ...

 و لكنني لن اتوقف ها هنا 

ما زلت احاول المرور .... 

و لكن الطريق يضيق من جهة

و يتسع من الأخرى ....
 و ليس باليد حيلة الا الاصرار على العبور 

#مكملين #مش_ناسيين 
#أنا_مش_زعلان_منكم #مش_ندمان_على_صحبتكم

#يمكن_بكرة ...

#فضفضة_ثورية #ذكريات_ثورة

2013-08-21

R4BIA رابعة






رابعة مش صوت حق تاه
 
رابعة مش ناس مبتلاه

رابعة دي كانت حياة جوا الحياة
 
رابعة كانت للظروف سكة نجاة 

.......................

رابعة مش ميدان صمود

رابعة مش كام الف صوت
 
رابعة دي شريان حياة رافض يموت
.........................

رابعة نبض الحق تاني 

رابعة رجعلي الأماني
 
رابعة علمني الصمود
 
........................

رابعة مهما تقولو فيها
 
مش مجرد اسم ليها 

رابعة دي كانت ميلاد لجبال تليدة
 
ثابتة كالطفلة العنيدة
 
.........................

رابعة مش ميدان تفضه

رابعة ليه ناسه و عقيدته

رابعة نبضه صاحي فينا
 
!! مش بدبابتك تهده 


2013-07-18

انقلاب أم ......... ؟؟






         في طريقي إلى ميدان النهضة بعد قليل ....... ‫#‏طلاب_ضد_الإنقلاب‬

   


و قبل المغادرة .. اود فقط ان اوضح بعض الأمور

أولا كلماتي القادمة ستكون موجهة لهؤلاء الذين يؤمنون بالحرية و يعرفون جيدا

 معنى التضحية من أجل الوطن .. يعرفون جيدا أن للحرية ثمن ليس بالرخيص ..

كلماتي لهؤلاء الذين أمنو بثورة 25 يناير من أجل الحرية و الوطن ليس من أجل "

 السباحة مع التيار" ... الى هؤلاء اتحدث




تنبيه : اذا كنت لم تهتم من الأساس بثورة الخامس و العشرين و كان ال18 يو
م


بالنسبة لك ما هي الا ايام تنقضي و هؤلاء محدثين الفوضى في الشوارع الممولون


من جهات خارجية و تدفع لهم حماس و يقومون بأعمال غير لائقة في الميادين

و الشوارع ما هي الا ايام قليلة و سيذهبون من حيث اتو حيث تهدأ الشوارع من جديد

 و تستكمل انت حياتك الطبيعية دون ان يعكر صفوها شيء ....



اذا كنت من هؤلاء فأنصحك ان تختار خاصية ال Skip لهذا الكلام بالتحديد فلن

تجني منه غير انك قد تنعتني ببعض الشتائم و احنا في شهر كريم و الواحد خايف

 عليك من الذنوب و كدا :)



الى أحرار الوطن أكتب :

نعرف جميعنا انه و بعد انقضاء قرابة العامين و نصف من الثورة حدثت انقسامات

 كثيرة في صفوفنا ك" ثوار " .. و كان من الطبيعي انه مع بدء الحياة السياسية ان

 ننقسم الي معسكرات مختلفة كل حسب توجهاته الفكرية و منا من ابتعد تماما عن

 المعسكر السياسي فليس له في السياسة من شيء

لكنَا تناسينا تماما انه ما زال هناك " طرف تالت " لم يكتشف بعد !! و اكملنا دروبنا

 ماضيين في طريق حرية لم تكتمل بعد !!


حتى وصلنا لمأزق ما اذا كان 30 يونيو ثورة أم انقلاب عسكري !

ابتداءً .. الثورة الشعبية لا يقف امامها الشعب !!

اذن بديهيا ان ما حدث يوم 30 /6 لم يكن الا مظاهرات معارضة

و من الطبيعي جدا ان يكون اعدادها كبيرة

فمن انتخب مرسي يزيد بنسب بسيطة عن من انتخبو سواه


بمعنى انه ... لو كان الناس اللي منتخبتش مرسي نزلت في الشوارع يوم اعلان

 النتيجة كان هيبقى اعدادها كبيرة و حاشدة برده



عزيزي القاريء:

لو كان اللي حصل ده ثورة مكنتش الشرطة هتنزل معاك في الميدان تسقفلك و ترقص

 معاك و تجيبلك عصير ! مع العلم انها نفس الشرطة بتاعة 25 يناير !

لو كان اللي حصل ده ثورة مكنش هينزل معاك كل اتباع نظام مبارك و يهللولك و يدعموك !

لو كان اللي حصل ثورة .. و القادة العسكريين هما اللي انقذوها بعد 6 ساعات بس

 في الشارع بدون اي مناوشات و لا اشتباكات و لا دماء , ليه نفس القادة دول

 مأنقذوناش من سيل الدماء ايام 25 لما فضلنا قاعدين في الميادين 18 يوم يتصفى

 في شبابنا واحد ورا واحد و القيادة العامة للقوات المسلحة لم يهتز لها جفن و

محسيتش انها انبهرت ! " او يمكن فريسكا مكنتش نزلت ايامها " !!



لو كان اللي حصل ده ثورة مكنش هيبقى نفس وزير الكهرباء اللي كنا بنعيط منه

 علشان قطع النور لسه موجود في الحكومة

لو كان اللي حصل ده ثورة ليه يبقى رئيس حكومة " الثورة " واحد كان بيؤيد و

 يتمنى انتخاب جمال مبارك ؟


لو كان اللي حصل ده ثورة ليه الجرايد مقلتش على المتظاهرين انهم قلة مندسة و

 بيعملو على اتلاف المنشآت و يميلو للعنف و نحن نرفض و ندين ..... زي ما قالو

علينا في يناير ؟


لو كانت دي ثورة ليه سمحت بدخول قوات اسرائيلية سيناء بحجة القضاء على

 العمليات الارهابية !!

لو كانت دي ثورة ليه مشالتش وزير الطاقة اللي اتعمل عليه " ثورة " علشان ازمة

 البنزين و السولار !!

لو كانت دي ثورة ليه متشالش وزير الداخلية اللي كان عامل انفلات امنى ؟؟!!

لو كانت دي ثورة ليه وزير الكهرباء اللي كان بيقطع النور لسه موجود في حكوم " الثورة " ؟!!

لو كانت دي ثورة تدعو لحرية الرأي و الاعلام ليه العسكر قفل القنوات اللي ضده !!

لو كانت دي ثورة من اهدافها تمكين الشباب زي ما السيسي قال في خطابه .. ليه كل

 الوزرا " عواجيز " .... ليه نعيش تاني في دولة العواجيز و احنا عندنا شباب زي

 الفل !!


لو كانت دي ثورة و الاعلام حلو و جميل مش مضلل .. ليه الاعلام مفضلش اسابيع

 يتكلم عن " الريس هيحلف فين ؟ " و لو حلف مش عارفة فين هيبقى مش " دستوري " !!

لو كانت دي ثورة ليه الاعلام الحلو اللي مش مضلل ... ليه العملية نسر كانت وحشة




ايام مرسي لكن ان اسرائيل تسمحلنا بزيادة قواتنا دلوقتي عادي


لاء و ايه لم يقتصر الأمر على اننا هنزود قواتنا بعد موافقة اسرائيل ... ده هما كمان

 بجلالة قدرهم !! هيبعتولنا كتيبة بنفسهم علشان يمنعوا العنف في سيناء


لو كان الاعلام حلو و جميل و مش مضلل ليه معتبرش قرض البنك الدولي شحاتة و

 انه واجب لابد منه ! و على رأي الحاجة لميس " مصر عمرها مهيبقى عندها اكتفاء

 ذاتي "

لو كان كل ده " ثورة " ليه لم يتم اعتقال اي حد من الداعيين ليها ؟ و ليه مات الكلام

عن المحاكمات الثورية و اصبح الحديث عن محاكمة " مرسي " و اصبح الحديث عن
محاكمة مبارك و اعوانه و رجالاته طي الكتمان ؟

مات الحديث عن ثورة 25 يناير بأهدافها و اصبح الحديث عن " ثورة" 30 يونية التي لا مثيل لها و اصبح رجل الشارع البسيط يرى انه يجب ان يصب جل همه على كره الاخوان و سبهم و شتيمتهم و اباحة قتلهم

مات الحديث عن العدالة الاجتماعية و توفير فرص العيش و الأمن

لا و غير كدا اصبح الحديث عن جواز قتل ضيوفنا السوريين و الفلسطينيين " واجب

 " لانهم دعاة للانقلاب و هم اللي بنزلو المظاهرات و بياخدو 500 جنيه !

لو كانت دي ثورة ليه " قادة " هذه الثورة مبادئهم بتجزأ على حسب المواقف ؟؟



و بعد كدا يطلعلنا المجلس العسكري بتبراراته اللطيفة أو هيا بصراحة مش مجرد

 تبرارات هو كذب صريح علني .. علشان اللي شايف و عامل نفسه مش شايف

 يشوف كويس :

المتحدث العسكري: لا احتجاز بدون أمر قضائي ... و هو اصلا بيقبض على الناس

 بالكومة و بعدين يلفقلهم شوية حاجات ... مرة حيازة اسلحة و مرة التحريض على

 قلب نظام الحكم و بعدين يقوم اللي متلفقله حيازة سلاح يخرج بكفالة !! هو مش

 كان معاه سلاح ؟ راح فين ؟

الله يرحم فيديوهات ثورة 25 يناير لما كنا بنقبض على البلطجية في الميدان و قدام

 كل واحد منه السلاح اللي اتقبض عليه بيه و ساعات كنا بنلاقي بطايق امن دولة

و امن الدولة يا امن الدولة و اييييييييه يلا ... كانت ايام و راحت لحالها بقى

لكن امن الدولة دلوقتي بقى حلو مفيش كلام !!

و لم كتفي المتحدث العسكري بالضحك على عقولنا بكده بس ... ده كمان بيقولك بعد

 ما قناة النيل للأخبار اذاعت الفيديو اللي كان متركب ده و قالت ان السيسي يلقى كلمة
على قيادات الجيش و رجالاته في مسرح الجلاء .. طلع هو و قال : اصلا مكنش في

مسرح الجلاء و اصلا هو فعلا كاتن متركب في محافل مختلفة !!

هو لما الفيديو يكون متركب من لقاءات في محافل مختلفة الكلام بيكون عن احداث

 حالية بعينها؟؟!!!!!

هو لما الفيديو يكون متركب من لقاءات في محافل مختلفة الخطاب بيكون واحد؟؟

 مش مقاطع مختلفة مثلا حتة من محفل و حتة من تدريب و كدا يعني !!

حاجة ظريفة جدا برده الاعداد المهولة المبهرة التي ابهرت السيسي في خلال 6

ساعات فقط و خليته يرسم لها القلوب و يبعتلها اعلام و مرسي الوحش الكخة ده

 مش عجيبكوا .. حاضر هنشيله يا قمامير !!



فعلا لست احقر من شأن من نزل يوم 30/6 فأغلب اصدقائي كانو من اول الداعمين

 لحركة تمرد .. و لكن ما استخف به و استحقره هو " موقف جيش وطني تجاه جزء

من الشعب على حساب أخر و استخفافه بالناس و عقولهم !!


ليه مثلا السيسي منزلش صور " المجموعة الارهابية " و قالنا شوفو دول مش

مبهرين ازاي ؟ مثلا ؟!

ليه لما عمل مؤتمر صحفي يبرأ فيه نفسه من قتل 102 شهيد قدام الحرس

 الجمهوري مأظهرلناش و لا أظهر للعالم كله اللي بيتفرج الفيديوهات اللي هو ادعى

 فيها ان حصل بالفعل هجوم مسلح على مقر الحرس الجمهوري ؟!!


و في المقابل لما جه بلدوزر قدام قصر الاتحادية يشيل السور ده مكنش يعتبر ارهاب

 مثلا؟؟ ده كانت مظاهرات بش مش مبهرة اوي ساعدت على الابهار !!


و بالحديث عن الرأي العالمي :

لما يتكتب في الاندبندنت مقال يستهزأ بما يحدث في مصر تحت عنوان : متى يكون

 الانقلاب العسكري ليس انقلابا عسكريا ؟! عندما يحدث في مصر

و لما يطلع المتحدث باسم المجلس العسكري يقولك برده 33 مليون نزلو و نجاح

 مبهر و اصلا القوى العاملة في مصر 25 مليون ؟!!!

مجلة ال bbc الاخبارية كتبت مقال في هذا الشأن .. كيف يتم عد الحشود ؟ و هل يا

 ترى انتفاضة المصريين كانت الأكبر على الاطلاق ؟


و بالحديث ايضا عن المتحدث العسكري اللي تقريبا كل ما يطلع يقول حاجة تطلع كذب

! ممكن نراجع البوست ده بتكلم عن ال19 صاروخ جراد اللي ضبطوا على ربع نقل ! ‫#‏معجزة‬ :)


---------------------------------------------

خلاصة الكلام ... متخليش كرهك للاخوان يعميك عن حاجات كتيرة انت شايفها غلط

بس مش قادر بينك و بين نفسك تعترف لان ده " الجيش "


اهو احنا نازلين بقه علشان نرجع هيبة الجيش ... الجيش مش يعني تخون شعبك و

 تستخف بعقله و تحكمه بمزاجك

الجيش مش يعني انك تعمل نفسك وصي على الشعب و تجيبه حكومة انت اخترتها

 بمزاجك و دستور انت عينت اللي هيكتبوه و تعين نفسك نائب لرئيس وزراء انت

 اللي معينه اصلا و تحلف قدام واحد انت اللي معينه برده !!

الجيش مش يعني ناس تموت جوه البلد قدام عنيك و الجيش و الشرطة واقفين يا اما

 مبيعملوش حاجة يا اما بيقتلو فيهم ...

الجيش مش يعني ناس تموت و أنا ابقى مالي الشوارع و انا ابرر موتهم و لحد الآن

 مش عارف اثبت التبرير ده

خلاصة الخلاصة.. الجيش مش هو السيسي

معلش صدمة ان جيشك يكون بيخونك صعب بس للاسف بتحصل ! و لو مش قادر

تصدق انزل شوف بعنيك

انزل شوف الناس دي بتعمل مولوتوف تحت الشجر و لا لاء ؟

انزل شوف الناس دي بتعذب اي حد يعارضها و لا لاء؟

انزل شوف الناس دي عندها جرب و كوليرا و لا لاء؟

اقولك .... انزل شوف الناس دي كلها اخوان و لا لاء !

------------------------------------------

صحيح بالمناسبة ... هيا طلعت ثورة و لا إنقلاب ؟! .....


استودعتكم مصر و أهلها , استودعكم الله الذي لا تضيع ودائعه







18/7/2013 - 3.20Am

2012-12-21

بس إحنا نحلم




..... كومة ورق
وقلم رصاص يحكي حلمي اللي اتسرق 
أو قول غرق :/

-----
بتقول غرق ؟
أو .... اتسرق؟!!

هوا انت ليه عامل قلق ! o.O
ماسك في حلمك بالقوي و كمان معقدها اوي 
و كأن آهات الكلام بتجيب نتيجة مع الزحام 
و كأن وحدك تقدر تحلم من غير منام !

بتقول كلام ... اه لو بس بتسمعه , و تجمعه .. و تعيش معاه 
هتلاقي فجأة ان الكلام أصبح حقيقة و مش منام 
وتلاقي دنيا عشتها في احلام زمان 

هتلاقي جنة ترجَّع الحلم اللي كان 
فوق الورق..
قصدي اللي كان مرة اتسرق !
أو ... كان غرق :)

2012-11-12

رسالتنا .. رسالة خير



رسالة خير بنهديها 
 ونرضي ربنا بيها  
و ندعيله يخليها .. رسالة حب 
و أشواقنا تسوق فيها :)

مشتاق تشوف جبل الذنوب يصبح رماد ؟؟!
مشتاق تخلّي بسمتك تمحي الآهات ؟؟!


مشتاق ... تنور نور من العتمة , تعدّي طريقك الزحمة , و تكسر حاجز الأزمة , تشوف النور ؟؟ 
تعدي بحور؟؟

تلاقي دنيتك جنة 
و أحلى ما كنت تتمنى ؟

طب ليه واقف بتستنى؟! :)

طريق الخير ملوش عنوان 
دا هيا رسالة مبنية على الإيمان 
و حب الغير و فعل الخير و دعوة طريقها للرحمن 

و بدون تفكير و لا استئذان 
هنحتاجك معانا كمان ;) ^_^ 

أسرة رسالة فنون تطبيقية - دمياط

2012-09-19

الا تنصروه .. د/راغب السرجاني (2)

استكمالا لموضوعنا السابق , واستكمالا لحديث د/راغب السرجاني في كتابه " الا تنصروه" ... نبدأ من جديد

" حب الدنيا و كراهية الموت " !!


من الأشياء الجلية و التي لا تحتاج الي اي توضيح هي ان الرهبة لنا و المهابة منا نزعت من قلوبهم , فلا يفكر احد منهم في حساب العواقب التى تنتج عن الفعل , مادام ذلك الفعل في حق المسلمين  فلا مشكلة

فيقدم على افعال ليست حتى من الحكمة السياسية فلا يعتقد احد ان هذه الرسومات نفعتهم بل بالعكس قد ضرتهم , فلماذا لا يحسب لها حسابا ؟

أجد ذلك واضحا في حديث الحبيب صلى الله عليه وسلم و نحن بصدد ذكرى هجرته , و نتذكر احداثه و افعاله صلى الله عليه و سلم و لنتخذ منها القدوة و العمل ذلك الحديث الذي رواه ابو داوود عن ثوبان رضي الله عنه , و يقول الرسول فيه كلمة مفزعة  ... " قال رسول الله صلى الله عليه وسلم : يوشك الامم ان تداعى عليكم كما تداعى الأَكَلة على قصعتها "

و هذا يعني أنه سيأتي زمان على أمة الاسلام و انتقاصها .. تأتي الامم لتأكل و تدعو غيرها ليأكل معها في أمة الإسلام !!



و عندما سمع الصحابة هذا الكلام اخذوه مأخذ الجد و فزعوا رضي الله عنهم و أرضاهم : " فقال قائل : و من قلة نحن يومئذ ؟ " ... لابد اننا سنكون قليلين جدا لدرجة ان كل امم الارض تأكل فينا , ففاجأهم الرسول صلى الله عليه و سلم .. " قال : بل انتم يومئذ كثير " ثم يقول كلمة صعبة جدا " و لكنكم غثاء كغثاء السيل " !!

لقراءة المزيد  ممكن تحمل باقي الكتاب من هنا >>



إلا تنصروه


2012-09-18

خواطر جيل تعبان P:






الزمن : قبل صلاة العصر بدقائق 
المكان : ميكروباص 
المشهد : مكان مكتظ بطلاب المدراس 

---------------------------------------------

بعد ما اخدت القرار اني اروح من الكلية , وجدت نفسي و فجأة محاطة بجيش من البنات رواد المدارس الثانوية و خدوا بالكو اوي من رواد دي مهمة جدا P: .. i
سرعان ما دار بي الزمن الي ان استوقفته عند هذه اللحظات " نعم هي لحظات " التى كنت فيها مجرد تلميذه في مدرسة .. اللحظات دي استمرت بتاع 16 ولا 17 سنة كدا xD

حينها .. اخذني الغرور لفترة وجيزة و بعدها اخذ صوت يحدثني : " نعم لم تكن هذه ال 17 سنة مجرد لحظات و فقط , نعم مرت كلحظات , حتى من سرعة مرورها تكادي لا تدركين انكي "خلاص خلصتي ثانوية عامة " عقبالكوا xD و لكنها اساس كل شيء الآن"

المهم يعني ساعتها افتكرت بقى راجل بتاع تنمية بشرية الناس اللي بيعدو يتكلموا كتير دول كان بيقول ان حاجة مهمة جدا انك تجيب ورقة و تكتب فيها انجازاتك .. هات ورقة بيضا فاضية "اكيد بيضا هتبقى فاضية يعني بس ما علينا هو كدا " اكتب فوق اسمك و السنة  الحالية و رقمها و ابدا في كتابة انجازاتك
و محدش يقول انا لسة يدوبك عايش اصلا هيبقى عندي انجازات -و بعيدا عن الكلمة المكلكعة دي "انجازات" -

*الانجاز ده ممكن بكون مجرد خبر حلو وصلته لحد بجد كان محتاج يسمعه و ساعتها قلبه كان هيطير من الفرحة 

*الانجاز ده ممكن يكون انك عديت الشارع لوحدك لاول مرة و انت صغير 

*الانجاز ده ممكن يكون انك اخدت حقك من الولد اللي كان كل يوم بيضربك في المدرسة و انت كنت بتخاف تدافع حتى عن نفسك بس حاولت و عرفت .. عملت انجاز

*الانجاز ده ممكن يكون انك عملت كل اللي عليك , ذاكرت و اجتهدت و استنيت ربنا يقدر مجهودك , معترضتش على قدره و دخلت الكلية سواء كنت عايزها او لاء بس اهم حاجة تاخد بالاسباب انت ممكن تكون عايز حاجة بس ربنا كاتبلك قصة نجاحك في حاجة تانية خالص #حقيقة اهم حاجة انت بس تعمل اللي عليك و الباقي في رب كريم و عدل دورك بينتهي عند كده ذاكر و اجتهد و بس .. بس المهم انك انجزت  عديت من ثانوية عامة ياااااااااااااااااااااه خلصت التعليم الثانوي يا جدعان 
ده من اكبر الانجازات اللي هتلاقيها في حياتك بجد xD

خلاصة الكلام انت حد كويس اوي و ناجح اوي في حياتك بس كل ده مش هيحصل غير لما انت تعوز .. بس

و نزل هذا الجيش من الطلاب قبل ان يستطيع الهجوم عليا و عدت الي البيت سالمة :)) 

اه و متنساش بعد كل انجاز تقول #الحمد_لله ^_^ 

2012-09-13

في نظر الله و رعايته (الا تنصروه )




خلاص الرسول جهز كل حاجة .. معاه صاحبه اللي هيهاجر معاه , و هيمشوا من طريق مختلف و معاهم الدليل بتاعهم و خلاص على 
بن ابي طالب هينام مكانه .. محددش كان عارف ان الرسول هيهاجر .. كل حاجة ماشية حسب الخطة

لكن بالرغم من كدا قريش كانت مدبرة لقتل الرسول و راحوا بالفعل حاصروا البيت ... البيت بقى محاصر بالمشركين 
خلاص كدا الفاس وقعت في الراس ! لكن ربنا ابي الا انه ينصر رسوله و خرج لنامعجزة و اعمى ابصارهم و قدر الرسول ينجو منهم بمشيئة الله و خرج و بدأ رحلته 

و في الطريق لغار ثور ... كان عامر بن فهير ماشي وراهم بغنمه علشان يمحو اثار الاقدام .. و طلعوا الجبل و دخلو في طرق تتوه اصلا , كل ده علشان يخفو اثرهم , ومحدش يقدر يوصلهم .. ببساطه , اخدو بالاسباب 

لكن بالرغم من كدا قدر المشركين انهم يكتشفو امرهم " للمرة التانية " ووصلولهم عند الغار . ووقفوا عند باب الغار و ابو بكر خلاص كان شايفهم !خلاص لو بس بصو داخل الغار لوجدوهم ... لكن ربنا ابي الا انه ينصر حبيبه "صلى الله عليه و سلم" 

كملوا الرحلة و بدأو يزودوا  في الدهاليز جنوب ثم غرب و بعدين اخدوطريق مش معروف خالص عند ساحل البحر الاحمر 

لكن بالرغم من كدا و "للمرة الثالثة " قدر سراقة بن مالك انه يوصلهم بعد لما قريش اعلنت بجايزة للي هيأتيهم بالرسول و صاحبه 
سراقة كان خلاص قربلهم و بقى خلاص على وشك انه يربح الفدية اللي خصصتها قريش .. لكن مشيئة الله ابت الا ان ينتصر رسوله "صلى الله عليه و سلم" و قدم الفرس بتاع سراقة غاصت في الرمل ومقدرش يلحق بيهم

 و خلاص بعد ما الرحلة قربت تكتمل و قرب الرسول و صاحبه ع المدينة .. جالهم واحد تاني برده عايز ياخد الفدية بقى "بريدة بن الحصيب " و بفضل الله عز و جل و للمرة "الرابعة " انتصر الله لرسوله و قدر الرسول انه يشرح قلب بريدة للاسلام .. في لحظة قدر الرسول يدخل بريدة و من معه الي الاسلام في حين انهم بقالهم 13 سنة في مكة بيدعو لنفس الدين .. سبحان من بيده القلوب يقلبها كيف يشاء 

و بعد تجاوز ال4 مصاعب نجح الرسول و صاحبه انهم يوصلوا للمدينة :)

---------------------------------------------------------------------
 عايزة اقول ايه يعني من الاخر ؟؟
عايزة اقول : " الا تنصروه فقد نصره الله " يعني !!
يعني ربنا مش محتاج من المؤمنين لنصرة و لا يحتاج لمساعدة فهو بيده ملكوت كل شيء يقول للشيء كن فيكون
" الا تنصروه فقد نصره الله " الصحابة ايام الهجرة كانو بالفعل بيساندو رسولهم و نصروه قدر استطاعتهم كل واحد أدي اللي عليه ..
إذن الآيه لم تكن موجه للصحابة "الا تنصروه فقد نصره الله " الاية و الامر الذي فيها موجه لينا نحن أمه " محمد " صلى الله عليه وسلم منذ نزول الايات و حتى يوم القيامة
نحن الذين نستفيد بنصره الحبيب "صلى الله عليه وسلم" الفائده تعود علينا .. فالله عز وجل نصره بالفعل و ان تخلينا نحن عن نصرته فربنا هيستبدلنا بقوم غيرنا احسن مننا و مؤمنين بدعوتهم اكتر مننا و قادرين بالفعل على نصرة الدعوة و عزة الاسلام و رفع راية المسلمين
عايزين اسلام حركي فعلي نشوفه في كل حاجة بنعملها في حياتنا ! مش مجرد اسلام نظري لا يمت للاسلام بصلة ! من قريب و لا من بعيد

--------------------------------------------------------------------

من كام سنة كدا ظهرت الرسوم المسيئة للرسول في احد الصحف الدينماركية و 

النرويج ايضا .. اساءة للرسول بصورة بشعة لا يتقبلها احد اصلا على نفسه , ما

 بالكم بقى لما تكون موجهة لشخص يؤمن بنبوته ربع سكان العالم تقريبا !



 1.55 مليار مسلم .. و بالرغم من كدا تجرأ شخص واحد

 امامهم انه يتطاول على

حبيبهم ! 

1.55 مليار مسلم امام عدد سكان الدينمارك الذي تقريبا 

3.4 مليون نسمة بس ! و 

من بعدها النرويج و من بعدها ...... !!!؟




نقف وقفة كدا بقى مع نفسنا ! .. ليه دولة زي الدنمارك مثلا 

مقومتها الاستعمارية


ضعيفة و مفيش ليها اصلا اي تاريخ استعماري تهاجم 1.55

 مليار ..؟؟ 




عايزة اقتبس جزء من كلام د/ راغب السرجاني في كتابه "
الا تنصروه " الصادر ايام الرسوم المسيئة للرسول " صلى الله عليه و سلم ط في احد الصحف الدنماركية بيقول :

-----------------------------------------------------------------------------------------

"  مليار مسلم في الارض يتبعون هذا النبي و مع ذلك تتجرأ صحيفة على نشر مثل هذه الصور القبيحة الاباحية لرسول الله " صلى الله عليه وسلم " ... هذا امر شنيع يحتاج منا فعلا الى وقفة , و الحدث حقيقة غريب و عجيب لانه يصدر من دولة الدانمارك و هي دولة صغير ة جدا , قليلة المساحة , قليلة القوة العسكرية دولة لا تشغل من مساحة الارض غير 43.000 كيلومتر مربع يعني تقريبا ثلثي مساحة سيناء او نصف مساحة الامارات او نصف مساحة الاردن !! هذه هي دولة الدنمارك !! تعداد سكانها 3.4 مليون نسمه فقط ,امكانياتها العسكرية ضعيفة, لم يكن لها اي ميول استعمارية ليس بينها و بين المسلمين تاريخ عداء لا طويل و لا قصير 

فلماذا لا تكترث دولة بهذه المقومات الضعيفة بأمة حجمها يزيد على المليار .. امر غريب فعلا يحتاج منا الى وقفة و لا نريد الوقفات العابرة السريعة فلطالما نظمنا لقاءات و ندوات و شجبنا و ندبنا على احداث مماثلة ثم بعد ذلك ننسى 

لعلنا نتذكر قضية جوانتانامو و التعذيب المسليمين و الاسارى هناك و نسيت القضية 
و سمعنا عن المسلمين في سجن ابوغريب و ماحدث فيه من اباحية مطلقة ضد المسلمين الاسارى من اخواننا في العراق 
و مرت القضية !

و سمعنا عن تدنيس المصحف الشريف في جوانتانامو بعد ذلك و هذا امر خطير جدا جدا
و مرت القضية !

فرنسا تتحدث عن الحجاب و تمنعه من مدارسها و بلجيكا كذلك
و نسى المسلمون !

ماذا يحدث للمسلمين في الارض ؟؟! و لماذا هذا الاستهزاء و الاستخفاف بهذا العدد الهائل من البشر !

يبدو ان القضية ليست بالمساحات و ليست بالأعداد فالدانمارك دولة صغيرة جدا لا ترى على وجه الارض و لا تشكل اكثر من نقطة صغيرة في خريطة العالم .
و لا يفعل ذلك احد مع غير المسلمين , بل لا يفعله سكان الارض كلهم مع اليهود , مع ان اليهود تعدادهم في الارض 20 مليون نسمة , كل يهود العالم سواء المحتلين لفلسطين او المقيمين في اي مكان  و مع ذلك اذا تحدث انسان عن اليهود بسوء أُتهم في امريكا و في كل البلاد الغربية بمعاداة السامية  و تقام له المحاكم بسرعة و تؤخذ القرارات الفورية و لا يجرؤ انسان بالتفوه بكلمة في حقهم مع قلة عددهم و مع كراهية البشر جميعا لهم سواء النصارى المقيمين في اوروبا او امريكا او في اي مكان كلهم يكرهون اليهود و مع ذلك لا يستطيع احد ان يتكلم عنهم ..
حتى في المانيا المشهورة بعدائها لليهود ( كنت في حوار مع احد الالمان في المانيا و اتينا على ذكر اليهود و لاحظت ما اعتري محدِّثي من التوجس و الالتفات حذرا من المؤاخذه التي قد تنتظره !!) .. هناك اذن نوع من الرهبة الشديدة تجاه هذه الامة القليلة و المكروهة جدا و ليس هناك - في المقابل - اي قدر من هذه الرهبة تجاه الامة الضخمة الهائلة .. امة الاسلام ! 

و مع سعادتي بالصحوة الاسلامية نتيجة هذا السباب الي رسم في احد الصحف الدانماركية و مع ان هناك نوع من التعاطف و التجاوب على مستوى العالم الاسلامي و المسلمون يشجعون بعضهم على مقاطعة البضائع الدانماركية , وعلى اخذ موقف ايجابي عبر الرسائل الهاتفية و البريد الالكتروني ... الا اننا نريد ان نقف وقفة محلل 

ماذا يحدث لامة الاسلام ... ؟ لكي لا يتكرر هذا في الشهر المقبل من دولة اخرى و الشهر الذي يليه من دولة ثالثة 

-----------------------------------------------------------------------------

هذا ما سنتحدث عنه في التدوينة القادمة إن شاء الله   


2012-09-07

حُلم الغد



حُلمٌ لا اخشاه هو .. بل يخشاني 
ازددني عشقا لكياني 
ألهمني فكرا ربّاني 
علّمني أن  انصت فخرا للكون و يستمع لساني 
علّمني أن انظر دوما في خلق الله الرحمنِ
أتناسى دوما أن أُقبل في الصبح بدون الإمعان

........

للكون جمال ربّاني 
و لهذا خُلق الإنسانِ
 .. فليتفكر و ليتدبر 
 و لينصت فالعالم فاني 

2012-08-27

دع العنان للعروبة ثم افعل ما شئت #عروبتي_تتحدث




انتوا عارفين ان احنا هبل اوي .. هبل جدااااااااااااااااا .. هبل بغبااااااااااااااااااااااااااء o.O
---------------------------------------------------------
ايه البت اللي داخلة تشتم فينا ع الصبح دي يا جدعان  لا حول و لا قوة الا بالله استغفر الله العظيم يا رب :S
---------------------------------------------------------
احم اصل بجد و الله احنا هبل اوي بالصراحة .. طب بصوا انا هتكلم و انتوا تحكموا :
لما ننزل نشتري حاجة المدارس بقى بما اننا داخلين على دراسة و كدا و تيجي تجيب شنطة تلاقي عليها هاري بوتر او هانا مونتانا او سوبر مان او مش بعيد تلاقي جاستن بيبر كمان .. تيجي تشتري مسطرة تلاقيهم لازقينلك تجيب كاشكول برده موجودين
ايه الغزو الثقافي ده !! في ايه .. ده حتى كلهم ابطال وهمية !! تقولي
 يعني ان شاء الله هيلاقوا مين من عندنا يحطوه تامر حسني ! يع .....
هوا فعلا يع بس هوا ليه احنا بنحاول بكل جهدنا نطمس تراثنا ؟؟ و نقلل من شأننا؟؟؟
----------------------
طب عارفين سبايدر مان ؟؟ او بات مان يعني اي حاجة فيها مان و خلاص .... احنا بقى عندنا احسن من الابطال دول كلهم بس حقيقة مش افلام بس احنا شوية بنحب الدراما الاكشن الغير واقعية مع ان عندنا الاجمد منها في الاكشن و في الدراما بس واقعية بقى o.O
------------------------------

طب استنو استنوا عارفين تركيا ؟؟ قصدي القسطنطينية يعني ؟؟
اهو هناك بقى كان في واحد اسمه محمد الفاتح يدوبك عنده 22 سنة و بقى حاكم على البلاد و كمان امتدت فترة حكمة ل 30 سنة "مش موباريك مش موباريك لا تقلقوا ".ده بعد وفاته بدء الكتاب يكتبوا قد ايه هو كان عادل و كانوا بيتغزلوا في طريقه حكمه .. ايوة ايوة كان عنده 22 و الله 
-----------------------------.
واحد عنده 22 سنه يروح يمسك البلد و يحط نفسه في مواقف بايخة ليــــــــــــــه 
ليـــــــــــــــــــــــه


اقولكوا ليه ......
 لانه و ببساطة مبسطة قرر يحقق نبوءه الرسول لما قال صلى الله عليه و سلم 

:  ( لتفتحن القسطنطينية فلنعم الأمير أميرها و لنعم الجيش جيشها )

قدر يفتح القسطنطينية و يقتحم اسوارها  بحيلة  عسكرية اعتبرت من العمليات العسكرية 
النادرة في التاريخ 

قرر يبقى هو الامير ده اللي الرسول قال عليه

قرر و حط  هدفه قدامه و مستسلمش و قال يعني انا بقى الواد الفتك اللي هطلع من بين 

ال85 مليون ..." هم مكنوش 85 ساعتها يعني"  بس عادي يعني و ايه المشكله
-----------------------------------------

*لو محتاجين تعرفو عنه اكتر  http://www.mediafire.com/?t8hgz8hdef2k774
------------------------------------------

 نرجع تاني لموضوعنا الاساسي بقى...

 ليه يكون سوبر مان متعلق في اذهاننا بالبطولة و الشجاعة و الخ و احنا عندنا واحد زي 

محمد الفاتح اطفالنا ميعرفوش عنه؟؟
 !!
على بن ابي طالب لما نام في فراش الرسول كان عنده 10 سنين ع فكرة , و الكفار كانو 

هييجو يدبحوه و كان اصلا واقفينله بره و دخلوا عليه كمان موقف مرعب مش كدا ؟ ... 

بس  هو عادي يعني و ايه المشكله
!!
----- عندي هدف عايز احققه يا جدعان
عندي فكرة و مؤمن بيها 


* اقولك على حاجة ...
 خلى الدنيا هي اللي تجري وراك مش انت اللي تجري وراها

-----------------------------------------

طيب سيبكو بقى من حوارات البطولة ديه

 ده حتى في اللغة كمان بقى ,  لو جيت بصيت على الحروف الغربية او اللاتينية 

هتلاقيها كلها بالمسطره و البرجل ادوات هندسية يعني و تلاقي الحروف شبه بعضها 

شيل خط من فوق حطه تحت و خط حطه في النص و هتلاقيك جبت الحرف اللي بعده 

حروف شبه بعضها !

احنا بقى لغتنا فيها حروف كل حرف فيها عالم لوحده من التصميم و الابداع يعني حرف 
مثلا زي حرف ال H ييجي ايه جنب حرف ال هـ بتاعنا ؟؟ طب حد يفهمني و الله

و احنا بقى ايه من كتر حبنا للغة بتاعتنا حياتنا كلها اتشقلبت بقت اكتر ميلا للغرب يعني تلاقي واحد فاتح محل يقولك ايه Mr.X   طب ايه المشكلة لما تسميه اساحبي و هيبقى شغال و الله اكتر من اكس بتاعك ده ," احم محدش يقول لحد على فكرة اساحبي دي كفاية 
الفيس كدا حرام" D:

مثلا يقولك cash او See You اوWOW  اوJeo او City Stars ?  ايه ايه ايه في ايه بالظبط o.O
ده حتى المحل الوحيد اللي تلاقيه بالعربي تلاقيه يقولك ايه  "بدون اسم" ؟؟  هبل هبل يعني مش اي حاجة

و على فكرة العيب مش ان الاسم العربي مش بيشد او مش هيعمل شعبية .. العيب فينا احنا , طيب مهو زي ما هم عندهم mcdonalds احنا عندنا مؤمن و ناجح جدا كمان 
ايه المشكلة بقى ؟؟ ليه بنحاول نخليهم متفوقين و نفضل احنا كدا في القاع ؟ 
----------------------------------

في مجموعة من الشباب عاملين ماركة جديدة للملابس اسمها كاف و التصميمات بتاعتها اكثر من رائعة تحسها راقية كدا مش اي هبل
خدو جولة هنا في صفحتهم على الفيس  


لما احنا بقى نسيب كل الحاجات الحلوة دي و نحط صورة هاري بوتر -بغض النظر عن 

الفيلم او القصة او مدى نجاحها – و نسينا ان زي ما هم ليهم تراث و مستقبل احنا كمان 

لينا تراث بس تراثنا غير .. لما نسيب تراثنا و نبحث في تراث غيرنا يبقى كدا عييب 

اوي ... جدو يزعل مننا P:
و انا محبش جدو يزعل مني بصراحة 
----------------------------------------------

المهم بقه اني قررت  اني هحاول اعرب كل كلامي , نو فرانكو اراب  و بما ان نو كلمة 

انجليزية الاصل  يبقى  لا #لاللفرانكو و اي كلمة غريبة علينا ندبلجها بقى بلاش نقول 

ميكروباص نقول سيارة او حافلة عادي يعني خلى الناس تضحك عليك شوية و ماله و 

بعدين هتلاقيهم لوحدهم حابيين الفكرة .... دع العنان للعروبة ثم افعل ما شئت 

#عروبتي_تتحدث #عربي_وافتخر

----

بالمناسبة بقى طلعنا هبل بقى و لا مش هبل؟؟ ^_^